Верувале или не, но прстите, должината на рацете, бојата на очите, големината на градите… можат да откријат по нешто за човекот. Еве што науката кажува за сето ова:
Должината на домалиот прст ја открива „способноста“ во креветот
Можеби сте чуле за ова и сте мислеле дека е обична измислица, но зад ова всушност стои науката. Долгиот домал прст значи дека таа личност, уште додека била во стомакот, имала повеќе тестостерон. Овој хормон не само што ги издолжува прстите, туку влијае и на сексуалното однесување, велат стручњаците. Научниците велат дека жените кои добро се ориентираат во просторот, исто така, имаат долг домал прст затоа што имаат повеќе тестостерон, кој влијае на одреден дел од мозокот, а со самото тоа и на способноста да ја разберат и запаметат насоката на движење.
Сини очи значат дека сте попаметни
Луѓето кои имаат темни очи се добри во спортовите во кои се употребува топка. Имено, истражувањето спроведено во Америка покажало дека жените кои имаат кафеави очи побрзо реагираат од синооките. Од друга страна, личностите кои имаат сини очи се склони на тоа да заблескаат кога станува збор за академските достигнувања. Иако причината се уште не е дефинитивно утврдена и може да биде последица на еволуцијата, жените кои имаат светли очи подобри се во планирањето и организирањето на времето.
Црвенокосите мразат забар (се плашат)
Црвенокосите се двапати посклони на тоа да го одложуваат одењето на забар, веројатно, заради тоа што се почувствителни на болка, покажала една студија. Едно друго истражување, пак, покажало и дека овие личности често се поотпорни на анестезија, односно дека им е потребно околу 20 оттсо поголемо количество анестезија за таа да „делува“. Стручњаците веруваат дека истиот ген кој ја одредува црвената или портокалова коса има улога и во чувствителноста на болката.
Поголеми гради, поголем IQ
Изгледа дека поголемите гради значат дека нивните сопственички се подобри и на некој друг фронт. Студијата во која учествувале 1 200 жени, а била направена на Универзитетот во Чикаго, открила дека жените кои имаат поголеми гради во просек имале и околу 10 поени повеќе на тестовите за интелигенција. Една од можните причини е што хормоните кои се „виновник“ за големи гради имаат улога и во висината на коефициентот на интелигенција.
Поголем нос, помалку кивање
Колку ви е поголем носот толку се помали шансите дека често ќе патите од настинка и алергија. Научниците од Универзитетот во Ајова откриле дека луѓето кои имаат поголем нос вдишуваат речиси седум отсто помалку полутанати затоа што големиот нос е подобар „филтер“.
„Големиот нос е поистурен, па заради тоа повеќе ја штити устата. Тој, исто така, значи и помал ризик од инфекции, а можеби и подобра заштита од полен“, вели професорот д-р Рене Ентони.
Долги нозе значат дека сте поздрави
Долгите нозе не само дека изгледаат одлично, туку и научниците откриле дека на секои 4,3 см должина за 19 проценти се намалува ризикот од развој на дијабетес. Стручњаците веруваат дека врската меѓу долгите нозе и доброто здравје постои затоа што жените имаат долги нозе ако во детството поздраво се хранеле.
Кратки прсти, побрзо трчање
Можеби долгите прсти на нозете изгледаат поелегантно во сандали, но покусите помагаат да трчате побрзо.
„Колку е подолга коската или кој било сегмент, толку е потребен поголем мускулен напор за дел од телото да се придвижи“, вели доктор Ијан Безодисан и додава: „Значи, колку се подолги прстите на нозете секој пат кога личноста ќе направи чекор за тоа и е потребно повеќе енергија. Луѓето кои имаат подолги прсти, исто така, се посклони на повреди.“
Фигурата песочен часовник значи поголема плодност
Студии направени на Харвард универзитетот покажале дека жените кои имаат фигура на песочен часовник полесно забременуваат и полесно го поднесуваат породувањето, затоа што имаат за 37 отсто повеќе хормони на плодност. Кога ќе дојде бебето, ако, пак, имате поголем задник, тоа би можело да значи дека вашето дете е попаметно, судејќи според една студија која сугерира дека складираните масти се користат за изградба на мозокот на бебето.
