Дека куркумата е здрава билка, општо е познато, а за нејзините рализчни благодати и позитивни ефекти многу е пишувано. За нејзините својства досега се направени над 5.600 истражувања. Се користи за медицински цели, во исхраната, за чистење на телото и детоксикација, во козметиката.
УБАВИНА
Маските за лице од куркума и даваат сјај на кожата и најдобро делуваат за избелување на флеките на лицето и за отстранување на акните. Студиите покажале дека куркумата го намалува производството на меланин во кожата, а ги намалуваат и несаканите влакна на телото. Куркумата помага и во спречувањето на ширење на разни инфекции по истискувања на мозолчињата, делува антивоспалително, ги уништува бактериите. Заради избелувачкото својство ги намалува лузните и хиперпигментацијата на кожата.
Куркумата помага и против брчки и погодна е за дехидрирана и сува кожа, како и при розацеа. Познато е дека го успорува стареењето на кожата, ја стимулира сувата кожа поттикнувјќи циркулација и помага во одржавање на здравиот тен.
Маска од куркума против акни
Помешајте малку јаболков оцет и куркума да биде густо како паста и нанесете ја на акните. Оставете да делува 60 минути и исплакнете. Можно е да се појави минливо црвенило затоа е најдобро оваа маска да се користи навечер. Комбинацијата од јаболков оцет и куркума делува антисептично и антивоспалително, па ги уништува акните во самиот корен, а воспаленијата се намалуваат речиси преку ноќ.
