Одлучивте од исхраната да го исфрлите белиот леб, но дали сте сигурни дека со тоа организмот сте го лишиле од сите јаглехидрати на кои со преработката им биле одземени хранливите својства? Освен белиот леб, постојат и некои други намирници кои содржат многу малку, или воопшто немаат нутриционистички вредности.
Крекери со сирење
Не содржат астрономска количина јаглехидрати, но многу често се лоши бидејќи немаат ниту една друга хранлива материја. Полни се со адитиви, хемикалии и вештачки бои, а може да содржат и пченкарен сируп полн со фруктоза. Не дозволувајте да ве прелаже органската верзија, можеби има помалку вештачки состојки, но преработеното брашно и полномасното сирење ниту тука нема да ги избегнете.
Кафе со многу шеќер, шлаг и чоколадо
Во кафето со разни слатки додатоци може да се соберат и до 400 калории, колку што содржи еден цел оброк или поголем десерт. Може да содржи количина јаглехидрати колку и голема порција тестенини: 60 до 80 грама.
Овошни шејкови
Не можете да го започнете денот без шејк или фрапе? Придржувајте се до количина од најмногу 200мл која содржи околу 20 грама јаглехидрати. Во 500мл од истиот напиток може да има дури до 75 грама јаглехидрати и 65 грама шеќери.
Мафини
Ваквиот појадок може да содржи дури 64 грама јаглехидрати и повеќе од 30 грама шеќери. Ако е направен од преработено брашно, шеќер и путер, на се разликува од парче торта. Затоа јадете помали мафини, со маса од околу 50 грама и ако е можно купувајте ги оние од цели зрна.
Овошен јогурт
Обичниот јогурт е одличен избор за ужина пред вежбање или доцна навечер, но не и оној со овошје. Една порција обичен јогурт содржи меѓу 12 и 15 грама јаглехидрати, а оној со овошје може да содржи и до 30. Многу поздрава варијанта е со обичниот јогурт да изедете свежо овошје.
