Дека долготрајното седење има неповолни ефекти врз здравјето е одамна познато, па логично е да се постави прашањето – што може да се стори за да се спречат негативните последици. Финските научници решиле да утврдат во која мера ризиците од кардиоваскуларни болести, дијабетес тип 2 и рана смрт можат да се намалат ако се сменат некои животни навики во период од една година.
Во истражувањето учествувале 133 личности – половина од учесниците биле запознаени со опасностите од долготрајното седење и стратегиите како да се намали вкупното време на седење во текот на денот (на пример, да се стане и кусо да се прошета во текот на работното време, повеќе да се оди во текот на денот, а помалку да се користи превоз, да се има одредена физичка активност заедно со семејството и пријателите). 
Научниците на секои три месеци го следеле индексот на телесна маса, процентот на телесна маснотија и крвниот притисок на учесниците кои внесле измени во својата дневна рутина. Било утврдено дека можно е да се намали времето на седење во текот на работното и слободното време, како и дека со скратување на вкупното време на седење за 21 минута, со куси паузи и бавење со лесни физички активности, се намалува ризикот од болести кои се поврзуваат со физичка неактивност.
Интересно е дека испитаниците од првата група, кои се придржувале до споменатите навики, ја одржале мускулната маса на нозете, додека кај контролната група дошло до намалување на мускулната маса за 0,5 проценти.
