Помело (лат. Citrus maxima, Citrus grandis) е тропско овошје кое потекнува од Југоисточна Азија, а им припаѓа на цитрусите, како грејпфрутот или портокалот. Од нив се разликува по вкусот, бидејќи не е горчлив. Зрелиот плод е во светлозелена или жолта боја, додека од внатре е бел, понекогаш, но ретко розов или црвен. Како и сите цитруси, богат е со витамин Ц, калиум, бакар, фосфор и магнезиум.
Расте во Кина, Индонезија, Малезија, Индија, Филипини, Тајланд, Јапонија, Бангладеш и Виетнам, каде што се користи свеж, во храна или во форма на сок.
Високата содржина на витамин Ц помага при зајакнување на имунолошкиот систем. Ја зголемува отпорноста на организмот на секојдневни болести, како што се кашлица, настинка и сл. Ја подобрува и отпорноста на инфекции на уринарниот тракт. Истражувањата покажале дека помелото помага при апсорпција на железото во организмот и на тој начин помага при анемија. Затоа наместо да се користат суплементите на железо, се препорачува консумирање на помело.
Спречува настинки и грип, го регулира крвниот притисок, бидејќи содржи висока концентрација на калиум. Калиумот е важен за регулирање на нивото на крвниот притисок.
Помага при запек, бидејќи содржи голем број на влакна кои им помагаат на цревата и спречуваат формирање на хемороиди. Ова овошје е одлично за оние кои сакаат да ја намалат телесната тежина, бидејќи содржи материи кои ги топат мастите. Покрај тоа, влакната долго време се задржуваат во стомакот со што се стекнува чувство на ситост.
