Помело е посебен вид на цитрус богат со биофлавоноиди, кои се борат против клетките на ракот (во дојките, цревата и панкреасот), а го отстрануваат и вишокот естроген. Содржи антиоксиданти кои му помагаат на телото да се бори со многу болести. Го намалува нивото на холестерол, содржи калиум кој има важна улога во одржувањето на здравјето на срцето. Благодарение на пектинот, сокот од помело помага при чистење на наслаги од артериите, што е важно за лицата кои боледуваат од хипертензија.
Една чаша сок од помело на ден го штити имунитетот. Богато е со витамин Ц – антиоксидант и со тоа го зголемува бројот на белите крвни зрнца и го штити организмот од разни заболувања. Исто така спречува настинка, кашлица и бактериски и вирусни инфекции. Го ублажува заморот и го намалува растот на бактерии во уринарниот тракт.
Помелото е богато со нутриенти кои ги топат мастите, ги намалува скробот и шеќерот во организмот, па помага при слабеење, без штетни нуспојави. Ензимот кој се наоѓа во ова овошје, карнитин памитоил, е задолжен за согорување на мастите, а калиумот помага во јакнењето на мускулите.
Консумирање на помело се препорачува после операции, бидејќи помага при зараснување на повредената кожа и го забрзува нејзиното опоравување. Заради колагенот, помелото ги одржува здрави забите и непцата.
Ова овошје, богато со влакна помага и во одржувањето на работата на цревата, како и при запек и пролив. Се препорачува за сите кои имаат проблеми со варењето. Екстрактот од кората може да излекува пореметен метаболизам.
Оптимална количина за нормална исхрана е околу 2 шолји сок од помело дневно.
Прекумерното внесување на ова овошје може да предизвика здравствени компликации како запек, формирање на камен во бубрег и слично. Лицата кои пијат лекови, треба да се советуваат со лекар пред да почнат да консумираат помело. Ова овошје може да блокира некои ензими во цревата, кои се неопходни за апсорпција на одредени лекови.
