Губењето на оние 60 минути попладневна светлина после враќањето на часовникот на стандардно, зимско време може да биде прекинувач за ментални болести, вклучително и биполарно пореметување и сезонско афективно пореметување, попознато како зимска депресија.
Една данска студија утврдила дека процентот на заболени од депресија се зголемува за 11 отсто после поместувањето на часовникот на зимско сметање на времето.
Иако пореметувањето на биоритамот може да има сериозни ефекти по здравјето, повеќето студии откриваат дека промените во расположението настапуваат дури во деновите после поместувањето на часовникот. Меѓутоа за разлика од летното сметање на времето кога заради поместување на часовникот нанапред е поголема веројатноста за зголемен број срцеви удари, зимската промена има подобри ефекти врз здравјето.
Со добивање на еден час повеќе за спиење, стапката на срцеви удари се намалува, но и бројот на сообраќајни несреќи.
За што поскоро и полесно да се навикнете на зимско сметање на времето, советот на стручњаците е да го навиете часовникот и да станете порано од вообичаено за што подолго да функционирате на дневна светлина.
