Каква е оваа прободувачка болка?
Дали некогаш сте искусиле изненадна болка во делот на долниот абдомен: невообичаените болки ќе ве натераат на тоа да се обратите кај лекар, особено ако ги чувствувате секој месец, а не се поврзани со менструални грчеви.
Овулацијата се јавува од 10 до 14 деба пред менструацијата (зависно од траење на циклусот) и може да предизвика непријатна болка во јајчниците. Кога трае овулацијата, јајце клетката се наоѓа во чаура и опкружена е со течност. Кога доаѓа до пукање на чаурата, течноста се излева и предизвикува болка, Некои жени ваквото искуство го минуваат секој месец, а некои воопшто ништо не чувствуваат.
Имате ли инфекција?
Се случува ли барем еднаш месечно да помислите дека имте некаква вагинална инфекција, одите на лекар, но тогаш тоа ви поминува и заборавате на се? Во прашање е цервикална слуз и таа може да биде добра работа, во случај да сакате да забремените.
Кога нивото на хормоните се менува, се произведува толкава количина на слуз, што може да се случи да истече од вас и да остави траги на долната облека. Тоа истекување ќе ве наведе да помислите дека е во прашање инфекција, но станува збор за сосема вообичаена појава.
