Факт е дека омикрон варијантата на коронавирусот има неколку мутации кои можат да влијаат на однесувањето на вирусот, како на пример колку брзо тој ќе се шири и колку опасни последици може да предизвика.
ШТО ДО ДЕНЕС СЕ ЗНАЕ ЗА ОМИКРОН СОЈОТ?
Научниците од Јужна Африка, но и оние во светот, спроведуваат студии за подобро да ги разберат сите аспекти на омикрон сојот и своите сознанија ќе ги споделат јавно, кога ќе станат достапни.
ПРЕНОС: Не е целосно јасно дали оваа варијанта на вирусот се шири побрзо од лице на лице, ако се спореди со претходните варијанти, како што е делта сојот. Бројот на позитивни случаи е зголемен во некои делови на Јужна Африка, но епидемиолозите преку нивните студии се уште се обидуваат са сфатат дали причината е омикрон или некои други фактори.
СЕРИОЗНОСТ НА БОЛЕСТА: Не е јасно дали инфекцијата со омикрон предизвикува посериозен исход од болеста за разлика од претходните варијанти, па и делта. Прелиминарните податоци покажуваат дека е зголемен бројот на хоспитализации во Јужна Африка, но тоа може да биде последица и на целокупниот број на лица кои се заразени, отколку резултат на специфични инфекции со омикрон. Во моментов не постојат информации кои упатуваат на тоа дека симптомите на болеста се разликуваат ако станува збор за оваа варијанта на вирусот. Според првите пријавени случаи, може да се заклучи дека младите лица имаат благи симптоми, но за тие комплетно да се разберат, потребно е да се почекаат неколку недели. Сите варијанти на вирусот може да предизвикаат сериозни последици и смрт, а особено кај ранливите категории.
КОЛКУ ШТИТИ ПРЕЛЕЖАНАТА ИНФЕКЦИЈА: Прелиминарните докази велат дека можеби постои зголемена шанса за повторна инфекција кога се работи за овој сој, ако се спореди со претходните варијанти, но нема доволно информации. И за нив е потребно да се почекаат неколку недели.
ЕФИКАСНОСТ НА ВАКЦИНИТЕ: СЗО во соработка со технолошките стручњаци вредно работи за да го открие влијанието ан оваа варијанта на стекнатиот имунитет или имунитетот стекнат со вакцинација. Вакцината и понатаму останува најважна за да се спречат последиците од сериозна болест КОВИД-19 или смрт, па и за оваа варијанта. Достапните вакцини штитат од потешка форма на болеста.
ТОЧНОСТ НА ДОСТАПНИТЕ ТЕСТОВИ: Како и кај останатите варијанти, така и кај омикрон, тестовите ја детектираат инфекцијата. Траат испитувањата за да се открие дали се случиле било какви промени поради новата варијанта на вирусот.
КОЛКУ Е ЕФИКАСНО ЛЕКУВАЊЕТО: Кортикостероидите и IL6 блокаторите ќе продолжат да бидат корисни во лекувањето на пациенти со тешки симптоми на болеста, а останатите третмани ќе се проценуваат – дали делуваат и кога е во прашање омикрон варијантата.
