Исто така, ги зајакнува коските и забите, нервите и имунитетот. Вака приготвениот напиток од спанаќ им е интересен и на децата затоа што е со зелена боја, а благодарение на јаболката и бананата има и фин сладок вкус.
Потребни состојки:
- 200 г свеж, млад спанаќ
- 3 јаболка (по можност еко)
- 1 зрела банана
- 2 дл вода
Начин на приготвување: Во соковник наизменично ставајте неколку листови спанаќ, парче банана, четвртина јаболко (сосе лушпата и семките), па малку вода за да се разреди инаку густиот сок. За приготвување на овој здрав течен оброк ви се потребни максимум 10 минути. Ако немате соковник, направете смути кое освен сето наведено ќе ги содржи и толку посакуваните влакна за варење.
