Со помош на експерименти со доброволци, доктор Нил Стенли од Велика Британија покажал дека дваесетминутно дремење во текот на денот може да биде корисно и освежително. Меѓутоа додал дека дремењето кое прераснува во длабок сон, нема да окрепи.
„Позитивните ефекти од попладневното дремење траат три до четири часа, тоа е одличен начин за обновување на концентрацијата и враќање на силата. Дремењето е покорисно во таа смисла, за разлика од кофеинските напитоци, чии ефекти траат до половина час“, рекол доктор Стенли.
За да ја покаже корисноста на попладневната „дремка“ доктор Стенли извел тест со четири доброволци. После кратка „дремка“ волонтерите изјавиле дека се чувствуваат поопуштено.
И резулатите од тестовите кои ги мереле нивните реакции на светлосни дразби биле подобри после кус попладневен одмор, отколку пред тоа. Докторот додал и дека во основа се потребни 40 минути за комплетно освежување – 20 минути да се потоне во сон и 20 минути „чист“ сон. Исто така, нагласува дека е важно просторијата во која се спие да биде тивка, затемнета на температура од 16 до 18 степени.
„Најдобро време за попладневна дремка е меѓу 14 и 15 часот, кога во нашиот организам во рамки на природниот циклус паѓа нивото на општа енергија“, објаснил докторот.
