Ново истражување покажало дека попладневното спиење во времетраење подолго од 40 минути го зголемува ризикот за повеќе телесни пореметувања.
Студијата, која вклучила 300.000 испитаници, го покажала влијанието на попладневната дремка со развојот на метаболичкиот синдром, вклучувајќи ги дебелината, високиот крвен притисок и зголемениот холестерол.
Истражувањето е спроведено од страна на Американскиот колеџ за кардиологија. Според него, човечкото тело во сонот преку ден во траење подолго од 40 минути, замислува дека е во длабок сон што значително влијае на метаболизмот.
Студијата тврди дека спиењето попладне ги прави луѓето поизморени отколку што всушност се, со тоа што е задолжителна разликата во должината на тоа спиење.
Поодморни, побистри и подобро се чувствуваат оние лица кои попладне преспиваат најмногу половина час. Доколку дојде до длабок сон, мозокот преминува во фаза на „бавни бранови„ по што се чувствуваме изморено и дезориентирано.
