Норвешкото истражување кое повеќе од 18 години следело над 137 000 жени, покажало дека ризикот од рак се зголемува со зголемување на обемот на половината. Затоа, според експертите, одржувањето на здрава телесна тежина е клучно во превенцијата на карциноми, кои се поврзани со дебелината кај жените.
Резултатите од истражувањето покажале дека дебелината кај жените била поврзана со 20 проценти поголем ризик од рак на дојка кај жени во постменопауза, 95 отсто поголем ризик од рак на бубрезите и двапати поголем ризик за ендометријален карцином.
Подеднакво, се покажало дека дебелината кај жените, исто така, значително го зголемува ризикот од рак на панкреасот.
Што се однесува до другите медицински состојби, од порано е познато дека дебелината го зголемува ризикот од хипертензија, ноќна апнеја и дијабетес, било истакнато на Еuropean Congress on Obesity.
