Сетилата за мирис, вид, слух, вкус и допир не поврзуваат со светот во кој живееме, со самиот живот. Сетилата се поврзани и со емоциите, па поради тоа, губењето на осетот за мирис, по инфекцијата со новиот коронавирус претставува огромен проблем.
Кај некои пациенти сетилото за мирис во меѓувреме им се вратило, но омилените мириси сега се поинакви, дури и непријатни.
Добра вест е дека олфакторните неврони, со помош на кои чувствуваме мирис, се способни за регенерација. Лоша вест е дека нема кај сите да се вратат на ниво на кое биле пред заболувањето од коронавирусот, вели Лео Њухаус, невролог од Универзитетот Харвард, кој е специјализиран за опоравување на пациентите по тешки болести.
Тој тврди дека пациентите со поствирусно губење на мирисот имаат од 60 до 80 проценти шанси да вратат дел од своите функции за мирис во рок од една година. Со оглед дека сетилото за мирис обично се намалува со годините, опоравувањето би можело да трае подолго за повозрасните лица.
За повторно да го “разбудат“ носот, повеќето специјалисти препорачуваат тренинг на мирисот, секојдневна рутина на мирисање есенцијални масла како лимон, еукаплиптус, роза.
Ако страдате од губење на мирисот, не се обесхрабрувајте ако некои од есенциите мирисаат поинаку од она што сте очекувале: изобличувањата поврзани со губење на мирисот (тропосмија) не се ретки.
„Ако воопшто не го чувствувате мирисот на маслото, обидете се да се сетите на мирисот; со други зборови, вклучете го вашиот ум во предизвикување на сетилото за мирис. Кога јадете, ако не можете да го почувствувате целиот спектар на вкусови од јадењето, обрнете внимание на основите – слатко, горчливо, кисело, солено – како и на структурата на храната и чувството на непцето. Ова ќе ви помогне да се фокусирате на она што сè уште можете да го вкусите, а не на она што не можете “, пишува д-р Њухаус.
Тој исто така нуди неколку основни совети за оние чие чувство за мирис бавно им се враќа:
- Консултирајте се со специјалист за уво, грло и нос
- Во готвењето вклучете што повеќе зачини
- Негувајте чувство на благодарност: преживеавте потенцијално смртоносно заболување
- Јадете ладна или храна на собна температура
- Избегнувајте пржена храна, печено месо, црвен кромид и лук, јајца, кафе и чоколадо
- Пробјте блуткава храна како ориз, тестенини, нетостиран леб, зеленчук на пареа и обичен јогурт.
