Овие податоци се јасен потсетник на предизвиците со кои во Европа се соочуваат службите на нега на пациенти заболени од рак во текот на пандемијата. Објавени се во време на покренување на кампањата на Европската организација: Време за дејствување (Time To Act) со која се повикува јавноста, пациентите заболени од карцином, законодавците и здравствените експерти да се погрижат КОВИД-19 да не продолжи да ја слабее борбата против ракот.
Собраните податоци укажуваат на сериозноста на кризата:
- Се проценува дека можеби и до еден милион случаи на рак не се дијагностицирани во Европа
- Се проценува дека во Европа не се направени 100 милиони скрининзи за рано откривање на рак за време на пандемија, што довело до дијагнози во подоцнежните фази на болеста и намалување на вкупниот број на преживеани
- Едно до две лица со можни симптоми на рак не е навреме испратено на дијагностички преглед
- Секој петти пациент со рак во Европа се уште не ја добива потребната хируршка терапија или хемотерапија.
Д-р Мати Апро, претседател на Европската организација за рак вели:
Собраните податоци укажуваат на сериозноста на влијанието на КОВИД-19 врз ракот. Навистина ни се потребни итни мерки на највисоко ниво на европските и национални политики за да се справиме со нерешените случаи на рак, да ја вратиме довербата во услугите за грижа на пациентите заболени од рак и да се соочиме со недостатокот на работна сила / нега и грижа.
Во рамките на кампањата Време за дејствување, се поттикнуваат граѓаните да дадат свој допринос, да повнимаваат на вообичаените рани знаци на рак (на пр. крварење при извршување нужда, јазли или грутка во градите, потешкотии при голтање, неочекувано губење на тежината) и веднаш да го контактираат својот лекар доколку забележат какви било сомнителни симптоми.
Одењето на закажани прегледи за рано откривање на ракот е клучно за да се зголеми веројатноста за рана дијагноза кога ракот може ефикасно да се лекува. Не смееме да се чека со терапија и ги охрабруваат пациентите со рак да инсистираат да се почитува нивниот распоред на лекување. Оваа кампања ја потврдува мисијата на Европската организација за рак да ги поддржи здравствените работници во нивната задача да обезбедат соодветна грижа во корист на пациентите.
КОИ СЕ СИМПТОМИ И ЗНАЦИ НА РАКОТ?
Самите малигни заболувања обично не даваат никакви симптоми во почетната фаза, што е најголемиот дијагностички предизвик во раното откривање на овие болести. Симптомите на ракот обично варираат во зависност од специфичниот тип на рак, иако постојат некои општи знаци и симптоми кои можат да се појават кај повеќе видови, како што се замор, ненамерно губење на телесната тежина и температура.
НЕКОИ ОД ПОЧЕСТИТЕ СИМПТОМИ НА РАК КОИ МОЖЕ ДА СЕ ЈАВАТ СЕ:
Промени на дојките: јазол или чувство на тврдост во дојката или пазувата; промени во подрачјето на брадавицата и исцедок; чешање, црвенило или набраност на кожата на дојката
Промени во мокрењето: отежнато мокрење; болка при мокрење; крв во урина
Крварење или создавање модрици без јасна причина
Промени во столицата: крв во столица; промени во цревните навики
Кашлица или засипнатост која не престанува
Проблеми со исхраната: болка по јадење и жиговина; отежнато голтање; болка во стомакот; мачнина и повраќање; промена на апетитот
Силен и траен замот
Температура и ноќно потење без јасна причина
Промени во устата: бели или црвени израстоци на јазикот или во усната шуплина; крварење, болка или трнење на усните или устата
Невролошки нарушувања: главоболка; епилепсија; промени на видот или слухот; млитавост на лицето
Промени на кожата: јазол што крвари или се лупи; појава на нова бенка или промена на постоечката; рана која не зараснува; жолтилол на кожата или белката во окото
Оток или јазол било каде во телото, најчесто на вратот, пазувите, стомакот или препоните
Пораст или пад на телесната тежина без јасна причина
