Шизофренијата е тешка психичка состојба која се карактеризира со невообичаено однесување, неможност за разликување на реалноста од нералните искуства, а се проценува дека од неа во светот страдаат 21 милиони лица.
Најновата студија, чии резултати се објавени во списанието Schizophrenia Bulletin”, покажала дека постои поврзаност помеѓу шизофренијата и Епштајн-Баровиот вирус кој предизвикува вирус на херпес и мононуклеоза.
Во истражувањето учествувале 734 лица, од кои 432 страдале од шизофренија, а 311 немале психички проблеми (тоа било контролна група). Водачот на истражувањето, д-р Роберт Јолкен и неговите соработници ги споредиле бројот на антитела на Епштајн-Баровиот вирус кај лицата кои боледувале од шизофренија и оние кои не боледувале. 
Се покажало дека лицата кои имаат шизофренија имаат од 1,7 до 2,3 пати повеќе антитела на Епштајн-Баровиот вирус. Испитаниците со шизофренија немале зголемено ниво на антитела на останатите типови инфекција, како вирусот кој предизвикува херпес симплекс тип 1, кој се пренесува преку плунка.
