Потењето на рацете секогаш се појавува во погрешен момент – веројатно и вам барем еднаш ви се случило дланките да ви бидат испотени кога сте требале да одговарете на училиште, на факултет, на разговор за работа или во слични ситуации.
Без паника, тврдат стручњаците – потењето е нормална реакција на стресна ситуација. Неговата основна функција е да ја намали телесната температура, што го објаснува потењето додека трчаме или вежбаме.
Исто така, се потиме и кога телото се бори и сака да побегне од некоја стресна ситуација.
Испотените дланки се всушност емоционален одговор на одредена стресна ситуација и може да бидат предизвикани од чувствата како што се страв или анксиозност.
Потењето е под контрола на хипоталамусот, подрачје во мозокот кое регулира многу функции, вклучувајќи ја и телесната температура и крвниот притисок кој прима лажни сигнали дека телото е презатоплено, па се вклучува потењето како метода за ладење на телото.
