во животот, не е нималку лесна задача да се постигне баланс. За тоа се свесни бројни вработени мајки кои честопати имаат чувство дека не успеваат да постигнат рамнотежа помеѓу работата и семејството, па поради тоа чувствуваат грижа на совеста. Ако барате начин како да го поправите ова чувство, следете го советот на холивудската актерка Дру Баримор.
Имено, вработените мајки мора да се грижат за многу работи и нивната работа не е воопшто лесна. Усогласувањето на семејниот и деловниот живот бара многу планирање за да се заштеди време и успешно да се исполнат многу обврски. А кога тоа не го постигнуваме, не можеме да се ослободиме од чувството на самообвинување. Но, важно е да се знае дека за некои работи едноставно не треба да се чувствуваме виновни. Тоа го сфатила и актерката Дру Баримор, која пронашла начин да излезе од тој маѓепсан круг, пишува „Pure Wow“.
Усогласувањето на семејниот и деловниот живот бара многу планирање за да се заштеди време и успешно да се исполнат многу обврски. А кога тоа не го постигнуваме, не можеме да се ослободиме од чувството на самообвинување
„Секогаш и зборувам на мојата ќерка Олив дека ја сакам мојата работа. Никогаш не и кажувам со тажен израз на лицето дека морам да одам да работам, бидејќи се плашам дека ќе има негативно мислење за тоа што многу мајки го прават за да заработат за живот. Мојата пријателка еднаш ми рече: „Никогаш немој да дозволиш твоето дете да почувствува дека работата е нешто лошо кое ве разделува“. Тогаш сфатив дека повеќето од нас го прават токму тоа само за детето да се чувствува подобро и на тој начин испраќаат порака дека работата е нешто одвратно кое ги дели. Иако имаме добра намера, јас сум убедена дека мора да го промениме пристапот.
Сакам да ги охрабрам моите ќерки да мислат дека работата е навистина нешто добро и потребно. Може дури и да ги води кон реализација на нивните соништа! Се грижам многу кога сум отсутна (а која мајка не би се грижела?), но јас се обидувам да најдам начин да се поттикнам себеси и моите ќерки да размислуваме позитивно. Не ја обвинувам работата, јас поседувам одговорност. Ќе бидам трпелива кога се вознемирени, бидејќи не сум дома. Како што реков, се обидувам да направам баланс за животот да биде што подобар“, заклучила Дру.
