Тим истражувачи од Пенсилванија се обидува да дознае дали редуцираната исхрана ги отстранува масните наслаги од долната страна на најподвижниот мускул во човековото тело – јазикот.
Задебелување на јазикот
Се уште не е јасно зошто масни наслаги се формираат на јазикот, ако знаеме дека овој мускул овозможува говор, дишење и превртување на храната.
„Задебелувањето на јазикот може да биде од генетска природа или последица на еволуцијата. Здравите оброци, секако, помагаат да се избегне таложење маснотии на јазикот“, вели авторот на студијата Ричард Шваб.
Апнеа
Се работи за пореметување на дишењето кое предизвикува ’рчење, гласно дишење и трзаи при спиењето. Може да биде причина за поспаност во текот на денот и генерално лошо влијае на квалитетот на живот. Најчест тип е опструктивната апнеја. Се јавува при спиење, кога горните дишни патишта делумно или потполно стануваат непроодни. Личностите со прекумерна тежина, зголемен врат и крајници се носители на поголем фактор на ризик.
Како да се спречи појавата на апнеа?
- Обидете се да ја намалите телесната тежибна;
- Спијте на страна;
- Одбегнувајте алкохол особено пред спиење;
- Не земајте таблети за спиење без одобрение на лекар.
Сериозните состојби бараат болнички третман. Тоа подразбира и употреба на апарати за дишење. Во текот на ноќта механизмот впумпува кислород и ги држи дишните патишта константно отворени.
Научниците од Унивезритетот во Филаделфија набљудувале 67 пациенти кои боледуваат од опструктивна апнеа. Пациентите за време на третманот загубиле околу 10 отсто од телесната маса и за 30 отсто ги намалиле тегобите кои настануваат заради апнеја.
Набљудувајќи ја големината на отворот на горните дишни патишта, научниците утврдиле дека до подобрувања дошло со намалување на телесната тежина. Губењето килограми се одразило и на големината на мускулите на вилицата кои се неопходни за процесот на џвакање на храната. Се намалиле и мускулите од двете страни на дишните патишта.
„Со сигурност утврдивме дека симптомите на апнеја се ублажуваат како резултат на редукцијата на маснотиите на јазикот. Поставивме единствена терапевтска цел, а тоа до денес не беше случај при лекувањето“, објаснива доктор Шваб.
Студијата е објавена во стручниот магазин за респираторна и урентна медицина.
„Истражувањето дава точни информации за факторите кои влијаат на создавањето апнеја, но не постојат јасни методи кои можат во потполност да ги отстранат маснотиите наталожени на јазикот“, објаснува за Би-би-си доктор Ник Хопкинсон.
