![panacea-5 (1)](https://panacea.mk/wp-content/uploads/2022/12/panacea-5-1-696x392.jpg)
„Доброто здравје е круна на главата на здравите што само болните можат да ја видат“
– арапска поговорка
Медицинскиот портал Панацеа.мк денеска има убав повод за одбележување: пет години од своето постоење.
Почнувајќи од 2017 година, тимот на Панацеа.мк, петта година по ред, секојдневно ви „сервира“ дневна доза здравје, која изобилува со стручни текстови, совети, интервјуа и најнови информации од областа на медицината. Голем број на еминентни домашни, но и странски стручњаци минаа низ нашите рубрики, оставајќи свој личен печат.
Во морето на дезинформации кои можат да се најдат на интернет, Панацеа.мк бескомпромисно се држи до вистинските, веродостојни медицински информации, кои се засноваат единствено на медицината базирана на докази.
Уште еднаш да ве потсетиме на максимата, која е и наше мото: „Внимавајте кога читате книги за медицина, може да умрете од печатна грешка“. Внимавајте кому му верувате. Бирајте проверени и доверливи извори. Бирајте професионалност, стручност, посветеност
Панацеа во суштина значи лек против сите болести, еликсир, одговор или решение за сите проблеми или потешкотии. Нашата цел е и понатаму да ви доставуваме кредибилни медицински информации од извори кои се оригинални и професионални, постојано збогатувајќи ја палетата на искусни медицински професионалци.
На крај, уште еднаш да ве потсетиме на максимата, која е и наше мото: „Внимавајте кога читате книги за медицина, може да умрете од печатна грешка“. Точно така. Внимавајте кому му верувате. Бирајте проверени и доверливи извори. Бирајте професионалност, стручност, посветеност.
И не заборавајте: Здравјето е состојба на целосна физичка, ментална и социјална благосостојба, а не само отсуство на болест или немоќ (СЗО).
Останете во добро здравје!
Екипата на Панацеа.мк