Понекогаш сите имаме нагласена и голема потреба за некоја намирница. Некогаш тоа е потреба за благо, кисело, солено или за месо, но всушност, оваа потреба ни покажува што на организмот навистина му е потребно.
Желбата за благо, можеби најтешката, претставува еден затворен круг во кој што колку повеќе се јаде благо, толку потребата поголема. За да се ублажи оваа потреба, потребно е да се внесува доволна количина на минералот – хром, кој го одржува во нормала нивото на инсулин, а со тоа ја намалува и желбата за благо. Желбата за чоколадо, исто така може да биде неконтролирана. Таа всушност значи дека на организмот му е потребен магнезиум.
Доколку се јавува желба за месо, на организмот му е потребно железо. Иако е тренд што поретко да се консумира месо, сепак тоа е неопходно за функционирање на имуниот систем и за транспорт на кислородот до крвта.
Ако се разбудите со потреба да изедете нешто кисело, она што недостасува е стомачна киселина. Тогаш, во исхраната задолжително треба да се внесат пробиотици кои стомачната киселина ќе ја доведат во ред.
