Земањето комбинација на два лека по мини мозочен удар може да помогне во одбегнување на уште поголем удар во текот на следните месеци, покажала новата студија во која учествувале речиси 4 900 возрасни лица.
Мини мозочните удари познати и како транзиторна исхемична атака (ТИА) во 15 проценти од случаите може да бидат знак за предупредување за потежок мозочен удар во наредните три месеци.
Транзиторната исхемична атака (ТИА) обично се јавува кога крвното згрутчување привремено ќе го запуши крвниот сад во мозокот. Симптомите се слични на мозочен удар, но поминуваат по неколку минути или часови и не предизвикуваат трајни последици
Резултатите на ова истражување покажале дека комбинацијата на ниски дози на ацетилсалицилна киселина и клопидогрел го намалува ризикот од поголем удар во текот на следните 90 дена. Пациентите кои ја земале наведената комбинација на лекови имале 25 отсто помал ризик од голем мозочен удар, срцев удар или смрт во однос на пациентите кои земале само ниски дози на ацетилсалицилна киселина.
Не, земањето на споменатата комбинации благо го зголемила ризикот од крвавење. Со оглед на тоа дека таквите крвавења се реверзибилни, се смета дека за повеќето пациенти користа од комбинирана терапија ги надминува ризиците.
Според податоците на „American Stroke Association“, повеќе од една третина од возрасните Американци имале транзиторна исхемична атака, пишува „The New England Journal of Medicine“.
