Студени безалкохолни пијалаци по напорен тренинг може да ве освежат. Меѓутоа, според најновите истражувања, тоа може да предизвика дехидрација и пречки во работата на бубрезите. Безалкохолните пијалоци со висок процент на фуктоза и кофеин се многу популарни, но се повеќе се критикуанни заради појава на дебелина и дијабетес, а неодамнешна студија додала и нов список на здравствени ризици.
Истражувачите од Универзитеетот во Бафало, Њујорк, неодамна откриле влијание на засладените безалкохолни пијалоци на здравјето на бубрезите кога се консумираат за време или после физички напор.
Влијанието на засладените пијалоци на бубрезите по вежбање
Кога вежбате во многу затоплени простории, протокот на крв низ бубрезите е намален. Тоа помага при регулирањето на крвниот притисок и ја штеди водата – нормален одговор на телото и не предизвикува никаква штета. Меѓутоа, во клинички услови, падот на протокот на крв низ бубрезите може да доведе до акутна повреда на бубрезите, заради слабото снабдување на ткивата со кислород.
Поранешни студии покажале дека вежбањето воопшто, но особено на повисоки температури, ја зголемува можноста за повреди на бубрезите. Истражувањето, исто така покажало дека консумирање на безалкохолни пијалоци со високо ниво на фруктоза го зголемува ризикот кај глувците кои доживеале дехидрација. Авторите на оваа студија ги споиле овие две истrажувања. Како што објаснуваат „Целта на нашето истражување беше да ја испитаме хипотезата дека консумирањето безалкохолни пијалоци за време и по вежбањето на топло, ги подигнува биомаркерите за акутна повреда на бубрезите и ги споредивме со внесување на вода„.
После интензивно вежбање, вообичаено е луѓето да пијат безалкохолни пијалоци. Важно е да се разбере дали ова може да има негативни последици за здравјето на бубрезите. Истражувачите следеле 12 здрави, физички способни лица, на возраст од околу 24 години. Испитаниците тренирале по 30 минути на лента за трчање, а потоа 15 минути правеле три задачи осмислени за да се поистоветат со земјоделска работа. После 45 минути активност, имале 15 минути пауза. На половина испитаници им се дадени по околу 480мл напиток со вкус на цитрус, кој има висок процент на фруктоза и кофеин, а на половина вода. Овој циклус го повториле четири пати. Една недела подоцна, испитаницте се вратиле ги повториле истите вежби. Овој пат, оние кои имале безлкохолен пијалок, во првиот случај, добиле вода, и обратно.
Влијанието на безалкохолните пијалaци на бубрезите
Пред, веднаш по, и после 24 часа, научниците измериле неколку параметри, вклучувајќи ја брзината на отчукувањето на срцето, телесната температура, телесната тежина и крвниот притисок. Го испитале и нивото на креатинин во крвта и намалената брзина на гломеруларната филтрација, и двата се за акутна повреда на бубрезите. Како и што очекувале, кај испитаниците кои во вториот циклус консумирале безалкохолни засладени пијалоци, двата маркери биле позитивни. Исто така, испитувањата покажале дека биле и малку дехидрирани и дека имаат повисоко ниво на антидиуретиски хормон кој го зголемува крвниот притисок.
Авторите заклучуваат: „Консумацијата на безалкохолни пијалоци за време и по вежбањето на топло не рехидрира. Затоа, овие напитоци додека вежбате и после вежбањето, не ги пијте„.
