Едно од осум лица заболени од коронавирус развива најмалку еден долготраен КОВИД, покажува една од најобемните истражувања досега. Со повеќе од половина милијарда случаи на коронавирус регистрирани ширум светот од почетокот на пандемијата, се поголема е загриженоста поради долготрајните симптоми на КОВИД-19.
Меѓутоа, речиси ниту едно од постоечките истражувања не споредувало лица кои долго боледуваат од КОВИД-19 со луѓе кои никогаш не биле заразени, па можно да некои од здравствените проблеми да не се предизвикани од вирусот.
Во рамките на нова студија објавена во медицинското списание The Lancet повеќе од 76.400 возрасни лица во Холандија пополниле онлајн прашалник за 23 вообичаени симптоми на долг КОВИД-19.
Помеѓу март 2020. и август 2021., секој учесник пополнил прашалник 24 пати
Во текот на овој период, повеќе од 4.200 од нив – 5,5 проценти – пријавиле дека имаат КОВИД.
Од оние со КОВИД-19, повеќе од 21 процент имале најмалку еден нов или сериозно интензивиран симптом три до пет месеци откако се заразиле. Меѓутоа, речиси девет проценти од контролната група која немала КОВИД пријавиле сличен пораст. Ова сугерира дека 12,7 отсто од оние кои имале КОВИД-19 – приближно секое осмо лице – страдало од долготрајни симптоми, се наведува во студијата.
Истражувањето исто така забележало симптоми пред и по инфекцијата со КОВИД-19, што им овозможило на истражувачите дополнително точно да утврдат што е поврзано со вирусот. Утврдено е дека вообичаени долготрајни симптоми на КОВИД вклучувааѕ болка во градите, потешкотии со дишењето, болка во мускулите, губење на вкус и мирис, како и општ замор.
“ГОЛЕМ НАПРЕДОК“
Една од авторките на студијата, Аранка Балеринг од холандскиот Универзитет во Гронинген, вели дека долготрајниот КОВИД е “итен проблем со растење на бројот на човечки жртви“.
“Набљудувајќи ги симптомите кај незаразената контролна група и кај поединци пред и по инфекцијата со SARS-CoV-2, можеме да ги објасниме симптомите кои би можеле да бидат резултат на здравствените аспекти на пандемијата на незаразни болести, како што е стресот предизвикан од ограничувањата и неизвеснота“, вели таа.
Авторите на студијата велат дека истражувањето е ограничено до толку што не ги покрива подоцните варијанти како делта и омикрон и не ги опфаќа информациите за некои симптоми како што се мозочна магла, кои од тогаш се смета за вообичаен знак на долготраен КОВИД-19.
Друга авторка на истражувањето,, Џудит Росмален вели дека “идните истражувања би требало да вклууваат и симптоми на менталното здравје, како што се депресија и анксиозност, како и аспекти од типот на мозочна магла, несоница и чувство на малаксаност, дури и по помал напор“.
Експерти кои не биле вклучени во истражувањето, истото го коментираат како “голем напредок“ во поглед на претходните истражувања за долготрајниот КОВИД бидејќи била вклучена и незаразена контролна група.
