Ревматоидниот артритис е тешка, хронична, воспалителна болест на сврзното ткиво која најчесто се очитува на зглобовите. Во ова пореметување имунолошкиот систем го напаѓа ’рскавичното ткиво, коските, понекогаш и внарешните органи. Од зглобовите најлесто се зафатени малите зглобови на дланките, зглобовите, рамената, колената.
Истражувањето спроведено на Универзитетот во Централна Флорида покажува дека бактеријата која луѓето ја „собираат“ лесно со консумирање млечни производи, говедско месо или производи кои растат во ѓубриво добиено од кравата може да го поттикне развојот на ревматоиден артритис кај луѓето кои имаат генетски предиспозиции за оваа болест.
Научниците анализирале ДНА од примероци од крв од 70 пациенти заболени од ревматоиден артритис и од 48 здрави волонтери. Кај 35 отсто од заболените се најдени траги од бактеријата додека само 8 отсто од здравите личности во минатото биле изложени на бактеријата. Дошле до заклучок дека личностите кои се родени со оваа генетска мутација и кои подоцна биле изложени на бактериите низ контаминирано млеко или месо од заразена стока имаат поголем ризик да развијат ревматоиден артритис.
Ревматоидниот артритис е почест кај жените отколку кај мажите во однос 3:1.
Најчесто се развива на возраст од 30 до 60 години, зачестеноста расте со стареењето. Ризикот е зголемен во семејствата со историја на ревматоиден артритис. Карактеристичен симптом на ревматоидниот артритис е утринската вкочанетост која трае најмалку половина час. Отеченоста и болката во зглобовите траат најмалку шест седмици пред ревматоидниот артритис да се дијагностицира.
