Постојат четири основни крвни групи – А, Б, АБ и 0, а нивната зачестеност најмногу зависи од генетиката, но и народот на кој му припаѓаме. Повеќето од луѓето се Рх позитивни, односно почести се крвните групи со резус фактор минус, а се проценува дека само 15 отсто од популацијата се Рх негативни.
Сепак, постојат буквално и милиони варијации на крвните групи, а најретка меѓу нив е онаа која ја имаат само четириесеттина луѓе во светот. Овој тип е толку редок што во светот има само 43 луѓе со него, а до 1961 година кога е прв дијагностициран кај една Абориџинка, лекарите мислеле дека ембрионите со овој тип ќе умрат во матката. Оваа најретка крвна група нема ниту еден од 50 антигени од Резус системот, а своето име „златна“ го добила затоа што е толку ретка.
Она што ја прави посебна оваа крв е тоа што е значително подобра како универзален дарител и од крвната група 0, и е компатибилна со сите други ретки крвни групи, но, за жал, во светот постојат само девет живи донатори.
Крвта е составена од црвени и бели крвни зрнца, тромбоцити и плазма и секој дел си има своја улога, но црвените крвни зрнца се оние кои ја одредуваат крвната група. На површината на овие клетки се наоѓаат протеини наречени антигени. Присуството или отсуството на одредени антигени ја одредува крвната група. На пример, оние со крвна група А имаат само А антигени, оние со крвна група Б имаат Б антигени, оние со крвна група АБ ги маат и двете, а оние со 0 немаат ниту еден. Црвените крвни зрнца имаат уште еден антиген, наречен RhD протеин. Кога крвта го има RhD протеинот таа е позитивна, а кога го нема е негативна. Кај златната крвна група недостасуваат сите можни антигени во Rh системот.
Научниците уште ја нарекуваат „златна“ и затоа што оние кои ја имаат од една страна се почестени што можат да спасат сечиј живот, а од друга, ако тие се во опасност ним може да им помогне само некој од живите дарители носители на оваа крвна група.
