Доколку се борите со вишок килограми, а се храните здраво и тренирате, а килограмите не се топат тогаш проблемот е во една лоша навика. Брзината со која јадеме може да ја промени тежината, индексот на телесната маса и обемот на половината, покажало најновото истражување.
Имено, научниците од Универзитетот во Кјушу, Јапонија, спровеле истражување во кое учествувале 60 000 луѓе, а ја поврзувало брзината со која јадат луѓето со промените во нивната тежина. На крајот се дошло до откритие дека личностите кои јадат побавно имаат тенденција за губење на килограмите.
Научниците ги проучиле и податоците на личности со дијабетес тип 2, болест која често е предизвикана со дебелината. Личностите кои имаат навика да јадат полека во просек имале најмал обем на половината.
Личностите кои јадат брзо во просек имаат поголем индекс на телесна маса и поширока половина.
Најважниот заклучок од истражувањето е дека личностите кои подоцна во текот на оброкот забавиле, веднаш почнале да губат на тежина. Научниците тврдат дека оваа студија е конечна и дека го потврдила влијанието на брзината на начинот на кој јадеме врз слабеењето.
