Со слаба циркулација се соочуваат се повеќе луѓе, а проблемот се манифестира преку болка и замор во нозете, тешки нозе и студени стапала. Слабата циркулација може да предизвикува непријатност, но, исто така, може да доведе и до сериозни здравствени проблеми. До лоша циркулација доаѓа поради ослабена еластичност на вените и артериите, но и насобирање на маснотии во внатрешноста на крвните садови, што во голема мера го отежнува протокот на крв во организмот.
-
Она што многу лошо влијае на циркулацијата е денешниот начин на живот, во кој поголемиот дел од времето се седи, со оглед на фактот што луѓето поминуваат часови и часови во канцеларија.
Доколку забележите дека сте често уморни, нозете ви се студени, ви паѓа косата, имате проблеми со вртоглавици, голема е веројатноста циркулацијата да не ви функционира најдобро и треба да се јавите на доктор.
Покрај седењето, лошата циркулација може да ја предизвика и целодневното стоење. Доколку стоите многу во текот на денот, препорачливо е да направите испитување на стапалата за да можете да користите влошки за корекција на оптоварувањето на стапалата.
Ако не сакате дополнително да го влошите проблемите предизвикани од слабата циркулација во нозете, одбегнувајте зашеќерена и масна храна, храна која е сиромашна со влакна, немојте да пушите, одбегнувајте прекумерно консумирање кофеин и алкохол и почнете да вежбате. Може да ви помогнат вежби како што се возење велосипед и трчање.
Циркулација во нозете можете да ја подобрите со внесување на витамините Ц и Е, со користење на производи за стимулирање на циркулацијата, со спортување, носење превентивни чорапи за вени, здрава исхрана, повеќе движење, помалку кофеин и одење на масажа
Циркулацијата дополнително може да се подобри и со лекови, хидротерапија и капилотерапија. Хидротерапија е метод на наизменично туширање со ладна и топла вода, при што треба да се внимава водата да не биде премногу ладна или премногу топла.
Капилотерапија е постапка во која се вежбаат капиларите, така што лицето треба да легне и да ги крене рацете и нозете во воздух. Лицето мора да лежи на цврста, рамна површина, и под вратот да има перница или завиткан пешкир. Откако ќе ги крене рацете и нозете, треба да ги тресе три минути. Ако кој било од овие начини не помогне, треба да консумирате лекови, кои ќе ви ги препише доктор.
