Можеби ова звучи поедноставено, но бројни се студиите кои до денес покажале дека доброто здравје е последица на здрави црева и дигестија. Па, како да се постигне рамнотежа во тој дел од телото и да се одржи здравјето на дигестијата? Еден од начините е нашата исхрана во која може да додадеме многу здрави зачини, од кои некои се користат илјадници години.
Д-р Канчан Која, експерт за биомедицинска наука потенцира кои се најздравите зачини за добро варење на храната.
- АНАСОН
Овој зачин докажано ја подобрува дигестијата и производството на ензими за варење. Изобилува со минерали: калиум, манган, фосфор, калциум, магнезиум, железо и бакар. Анасонот содржи и антиоксиданти кои ги штитат клетките од оштетувања и делуваат антивоспалително: кверцетин, рутин, анетол. Поради изобилието на хранливи состојки, фината арома и лесна сварливост (спречува надуеност), суровиот анасон е идеален за додаток во сендвичи, овошни и зеленчукови салати. Можете и семе од анасон едноставно да ставите во топла вода и оваа напивка да ја консумирате секој ден.
КУМИН
Ова навидум обично семе е многу повеќе кога се зборува за влијанието на здравјето. Содржи големи количини на железо, минерал кој му помога на телото, но и делува како заштита на имуниот систем. Овие семки традиционално се користат за добра дигестија, стимулираат лаење на дигестивни ензими и имаат способност за опуштање на мускулите на системот за варење и спречуваат грчеви и го олеснуваат процесот на дигестија, особено на масната храна.
КУРКУМА
Покрај тоа што на храната и дава богат и егзотичен вкус, таа може да му помогне на нашето здравје на повеќе начини. Имено, куркумата содржи куркумин – состојка за која одново се спроведуваат истражувања, кои континуирано покажуваат колку позитивно влијае на различни заболувања. Покрај сите свои придобивки, го поддржува и здравјето на варењето и ги спречува воспалителните процеси. За подобро да делува куркуминот, користете го со малку црн пипер.
- КАРАНФИЛЧЕ
И овој зачин има силни антиинфламаторни својства кои ќе го зачуваат здравјето на дигестијата, затоа користете го што почесто.
