Ран симптом на Алцхајмерова болест може да биде токму постојаното зевање во текот на денот. До овој заклучок дошле истражувачите од Универзитетот во Сан Франциско кои навеле дека региите во мозокот кои се задолжени за поспаност и зевање, се токму оние кои ги погодува Алцхајмеровата болест.
Резултатите од новата студија покажуваат дека овие регии заради Алцхајмеровата болест може да доведат до оштетување на протеинот тау, кој ќе предизвика претерана поспаност, особено кога се е во ред со сонот.
Пациентите кои веќе заболеле од Алцхајмерова болест имале многу поголем број протеини тау и дури за 75 отсто помалку неврони во три регии на мозокот задолжени за поспаност.
„Неверојатно е како се гледа една вистинска мрежа. Тоа значи дека мозокот немал начин да ја надомести штетата затоа што овие клетки се уништуваат речиси истовремено“, објаснува авторот на студијата, доктор Џун Ох и додава дека мрежата која го опфаќа чувството за поспаност е особено ранлива на Алцхајмерова болест.
