Дали чувствувате глад и покрај тоа што неодамна добро се најадовте? Доколку ова ви звучи познато, знајте дека не сте сами. Некои луѓе имаат чувство на глад почесто од други. Иако некогаш за тоа постојат и здравствени причини, како што е пореметена функција на тироидната жлезда или земање антидепресиви, виновник најчесто е начинот на живот. А се може да се реши само ако посветите внимание на навиките.
Ова се најчестите причини заради кои чувствувате глад почесто од другите:
- Не спиете доволно – неспиењето влијае на хормоните и го зголемува чувството на глад затоа што грелинот (хормон на желудникот) расте кога не сте наспани;
- Течни оброци – не јадете цврста храна, туку се храните со смути и чорби;
- Ги прескокнувате оброците заради разни обврски;
- Вашата вечера често е некое готово јадење или јадење од конзерва;
- Пиете премногу газирани пијалаци;
- Појадокот не ви е доволно обилен, кафето никогаш нема да биде појадок;
- Не јадете доволно салати;
- Не пиете доволно чај;
- Внесувате премалку вода во организмот на дневно ниво;
- Здодевно ви е – многу истражувања покажале дека луѓето почесто размислуваат за храна кога им е здодевно;
- Консумирате премногу или пречесто алкохол;
- Под стрес сте;
- Премногу гледате фотографии со храна по социјалните мрежи;
- Не внесувате доволно протеини и влакна.
Доколку не можете да се изборите со своите лоши навики, можеби е време да појдете кај нутриционист, да станете построги кон себе и да се придржувате до советите на лекарите.
