Синдромот на карпален канал (тунел) е состојба на дискомфорт причинета од притискање на медијалниот нерв во внатрешната страна на раката, над зглобот.
Основна причина за заболувањето се повторувачките, до автоматизам доведени движења на коските на рацете.
Болеста денес ги засега најмногу лицата кои постојано работат на компјутер со глушецот во раце. Состојбата е стигната до таму да Министерството за труд во САД го определи овој синдром како епидемија.
Болката лесно може да се прошири низ целата дланка, внатрешниот дел на подлактицата, па дури и до рамената. Ваквата болка често ги погодува и велосипедистите, со тоа што тогаш е проследена и со отоци.
Штом почувствувате болка, престанете со активноста која ја предизвикува. Земете пауза од работата или работете нешто друго додека болката целосно не попушти. Може да се помогнете и со завој кој ќе помогне да се ограничи движењето на повредениот дел.
Доколку се појавиле и отоци, на нив ставете ладни облоги и лесна ткаенина. Доколку болката стане неподнослива, земете лек против болки или гел крема која ги ублажува болката и воспалението.
Лекар посетете доколку:
- Болката потрае и со ниту еден метод не може да се ублажи;
- Над болното место се појави црвенило и оток;
- Не можете да го мрдате повредениот дел.
