Недоволниот внес на храна т.е. калории за време на рестриктивните диети, недостатокот на апетит или од други причини може да биде причинител на различни здравствени тегоби, како што се ниско ниво на енергија, нервоза и променливо расположение, анксиозност, опаѓање на косата, опстипација и сл.
За да се подмират основните потребни на човековиот организам (дури и кога ништо не правиме т.е. кога мируваме) потребно е секојдневно да внесуваме одреден број на калории. Овој број се утврдува со пресметување на базалниот метаболизам кој зависи од полот, годините, висината и тежината.
За да го пресметате базалниот метаболизам, односно минималниот број на калории кој е потребен за одржување на телесните функции од корист ќе ви биде следната формула:
– за жени: 447,593 + (9,247 x тежина во кг) + (3,098 x висина во см) – (4,330 x години)
– за мажи: 88,362 + (13,397 x тежина во кг) + (4,799 x висина во см) – (5,677 x години)
Кај повеќето луѓе базниот метаболизам е поголем од 1000 калории, а со пресметување на другите дневни активности споменатиот број се зголемува за 1000 и повеќе калории.
Меѓутоа доколку вашиот калориски внес е помал од вашиот базален метаболизам, доаѓа до забавување на метаболизмот и чувство на умор, со оглед на тоа дека телото нема доволно енергија за обавување на основните животни функции.
Кај постарите личности кои, на пример, како резултат на недостаток на апетит јадат помалку често се јавува чувство на умор. Кај спортистите, исто така, може да се јави умор како резултат на неадекватна исхрана чија калориска вредност не е во склад со потрошувачката на калории која ја следи физичката активност со висок интензитет.
