Во случај болката во грлото да не е придружена со вообичаените симптоми, трае малку подолго од вообичаеното и во случај на појава на нови симптоми, дефинитивно се препорачува консултација со матичен или семеен лекар, вели д-р Јосип Маркешиќ, специјалист оториноларинголог.
Меѓу другите болести и состојби кои можат да доведат до хронично болно грло, важно е да се споменат:
ХРОНИЧЕН ТОНЗИЛИТИС
Хроничното воспаление на крајниците често има болно грло како симптом.
АЛЕРГИИ
Алергиите на прашина, полен, животински влакна, мувла и слично межу симптомите често имаат болно и надразнето грло.
СУВ ВОЗДУХ
Прекумерната и постојана употреба на клима уред на работа и дома може да доведе до болка во грлото (навлажнувачите на воздухот можат да помогнат до одреден степен)
ОТЕЖНАТО ДИШЕЊЕ НИЗ НОС
Последичното дишење низ уста поради носните (назални) тегоби резултира со вдишување на сув воздух кој не е (минувајќи низ носот) прочистен и навлажнет.
ИРИТАНТИ
Загадувањето на воздухот на отворено и чадот од цигарите во затворени простори (или преку активно или пасивно пушење), алкохол, кафе, газирани пијалаци и многу зачинета храна – сето тоа може да доведе до болки во грлото.
ГАСТРОЕЗОФАГЕАЛЕН РЕФЛУКС/ЛАРИНГОФАРИНГЕАЛЕН РЕФЛУКС
Резултат на враќањето на стомачната киселина од желудникот во хранопроводникот и во грлото (во течна форма или во форма на аеросол); често резултира со болка во грлото и чувство на туѓо тело во грлото
НАПРЕГАЊЕ НА МУСКУЛИТЕ
Болно чувство во како резултат на викање, гласно и/или продолжено зборување.
ХИВ ИНФЕКЦИЈА
Било како рани симптоми или во напреднат стадиум поради склоност кон габични инфекции во грлото.
ТУМОРИ
Карциномите на усната шуплина, јазикот, орофаринксот и гркланот/хипофаринксот (‘долниот дел од грлото’) може да имаат болно грло како симптом; тие често се придружени со засипнатост, отежнато голтање и дишење, како и присуство на крв во плунката и во искашлувањето, но и голем оток на вратот.
