Постојано ви студи, а надвор температурата е пријатна? Нека не ве зачудува, тоа можеби тоа е симптом на некоја болест која што предизвикува постојан студ, како на пример анемијата, болест на бубрезите, хипотиреозата или дијабетесот тип 2.
Постојан студ може да чувствуваат и луѓето со слаба циркулација, но и слабите, ненаспани и уморни луѓе.
Анемијата е една од причините за постојано студенило. Се јавува кога немате доволно здрави црвени крвни зрнца, а предизвикува замор, слабост, чести вртоглавици, отежнато дишење… Исто така, прави да чувствувате постојано студенило, особено на нозете и рацете.
Хипотиреозата е состојба кај која тироидната жлезда не може да создаде доволно хормони, па заради тоа да чувствувате студ и кога надвор е топло. Исто така, предизвикува болка во зглобовите, запек, сува кожа и зголемување на телесната тежина. Овој проблем лесно се решава, а потребно е да се посети специјалист.
Кога бубрезите се болни, тие лошо ја филтрираат крвта. Ова може да ја намали телесната температура и да предизвика други проблеми. Болните бубрези исто така се поврзани со анемијата, поради што може да чувствувате студенило дури и кога е жешко.
Луѓето кои боледуваат од дијабетес тип 2 исто така може да чувствуваат постојано студенило. Одржувањето на вистинското ниво на шеќерот во крвта е многу важно за здравјето, а меѓу другото ќе обезбеди и да се ослободите од студенилото.
