![zevanje](https://panacea.mk/wp-content/uploads/2019/11/zevanje.jpg)
Но зевањето не е само знак за поспаност и умор. Зад оваа појава може да се крие и некој сериозен здравствен проблем.
Проблеми со спиењето
Ако покрај постојаното зевање имате и огромни подочници и повеќето од времето сте поспани, голема е вројатноста дека не спиете доволно. Постојат низа причини заради кои не можете да се наспиете – од синдром на немирни нозе до апнеја.
Анксиозност
Зголемен пулс, стегање во градите, краток здив, слабост, обилно потење или чувство дека се ви излегува од контрола се само некои од знаците за анксиозност. Но дали сте знаеле дека овие луѓе можат и многу да зеваат? Тоа е, веројатно, последица на физичката исцрпеност и стресот кој предизвикува анксиозност. Можеби и не треба да се нагласува дека со ставање под контрола на анксиозноста може да се намали претераното зевање, како и останатите несакани симптоми.
Депресија
Ако постојано зевате, можно е и да сте во депресија. Таа може да предизвика ментален и физички умор, па не изненадува што токму зевањето е чест симптом на оваа болест.
Проблеми со срцето
Лекарите тврдат дека зевањето може да укаже на срцеви проблеми, што предизвикува телото да не се снабдува правилно со кислород Понекогаш претераното зевање може да се забележи кај луѓето кои доживуваат срцев или мозочен удар. Ако зевањето го следат симптоми како вртоглавица, умор или болка во градите која се шири во левата рака или вратот, проследено со краток здив, треба да се повика брза помош.
Проблеми со црниот дроб
Зевањето обично се јавува и кај оние кои патат од оштетувања на црниот дроб, особено во крајните фази. Стручњаците веруваат дека тоа може да биде заради умор кој се поврзува со оваа состојба. Црниот дроб обавува низа важни задачи и затоа постојат толку различни проблеми со кои може да се соочи кога е болен.