Посторгазмичен синдром главно е машки проблем кој всушност е многу редок. Веднаш, или набрзо по оргазмот, болеста покренува проблеми кои не се поврзани со гениталиите, вклучувајќи збунетост, пречки во говорот, читањето и пишувањето, силни болки во мускулите и целото тело, замор, чешање на очите, грозница и симптоми слични на грип кои траат и до 7 дена.
Оваа бизарна состојба, која прв пат е опишана во 2002 година, нема познати причини и нема потврден лек, а истовремено е реален проблем. За болеста се знае многу.
Видовите и сериозноста на симптомите варираат, но општо земено, постојат два вида на овој синдром: примарен и секундарен.
Примарен е кога симптомите се појавуваат од првата ејакулација, а секундарен оној кој се развива подоцна во животот. Се појавуваат по речиси секој оргазам кој вклучува ејакулација. Иако постои слаба поврзаност со прераната ејакулација, причините за оваа болест се непознати.
Поголем дел научници веруваат дека причина за појава на оваа болест е спермата кај мажите. Иако се уште не постојат конкретни докази, некои сугерираат дека пациентите се алергични на својата семена течност или на некоја компонента во него.
Втора теорија тврди дека хемикалиите ослободени при оргазам се отпуштаат во необично големи количини.
Иако почнуваат да се појавуваат експериментални третмани за оваа болест, студија што ја води Медицинскиот факултет на Универзитот Тулане заклучува дека голем дел од она што го предизвикува посторгазмичниот синдорм остануваат тајна. Лекарите истакнуваат дека повеќето мажи кои ја имаат оваа болест, не знаат дека тоа е вистинска болест и како резултат на тоа, се воздржуваат и од барање лекарска помош.
