Имате хиперхидроза
Ако не можете да ја најдете причината за вашето прекумерно потење, посетете го вашиот доктор, бидејќи е можно да имате хиперхидроза. Тоа е состојба на прекумерно и неконтролирано потење кое ги надминува потребите на нормалната терморегулација на организмот. Луѓето кои имаат хиперхидроза се потат и во моменти кога не треба, на пример, додека седат совршено мирно во ладна соба. Нивното прекумерно потење оди до степен во тие моменти да им капе пот од дланките.
Во опасност сте од топлотен удар
Шетате во текот на топлиот летен ден и во еден момент чувствувате дека веќе не се потите и дека ви се врти. Тоа што сте го доживеале се нарекува хипохидроза, состојба во која не можете нормално да се потите и во текот на која вашето тело не моѓе да се олади преку потење. Ако во тој момент веднаш не го хидрирате вашето тело со вода се наоѓате во опасност од топлотен удар. Скријте се во сенка или во благо климатизиран простор и напијте се вода. Немојте да пиете алкохолни пијалаци или пијалаци со кофеин бидејќи тие предизвикаат дехидратација.
Под стрес сте
По мирисот на потта лесно може да препознаете дали сте под стрес. Кога ви е топло се активираат екрините потни жлезди кои се наоѓаат во телото и произведуваат пот кој се состои главно од вода и од сол и нема изразен мирис. Кога сме под стрес, потта ја произведуваат апокрините жлезди кои се наоѓаат само на одредени делови од телото како пазувите. Оваа пот се состои од масти и протеини и се меша со бактериите на кожата и така создава непријатен мирис.
Во еден експеримент, 36 жени морале да помирисаат 12 примероци од пот на мажи кои претходно гледале филмови во насока да ги направат среќни или да ги исплашат. Кога жените ја помирисале потта на исплашените мажи мирисот им предизвикувал слична реакција на страв и гадење. Кога ја мирисале поттка на среќните мажи мирисот им предизвикувал блага реакција и насмевка.
Ви паднал шеќерот во крвта
Зголеменото потење е еден од симптомите за нагло паѓање на шеќерот во крвта. Овој проблем лесно ќе го решите ако консумирате чоколадо или какво било друго слатко што ќе ви се најде при рака.
Бремена сте или влегувате во менопауза
Ако постои можност да сте бремена или пред менопауза, тогаш обрнете внимание на потењето. Сите процеси во телото кои влијаат на ендокриниот систем може да предизвикаат прекумерно потење. Токму тоа им се случува на повеќето жени кои влегуваат во менопауза и кои се борат со топлите бранови. Слична работа се случува и на почеток на бременост. Тогаш хормонланите промени предизвикуваат промена во „термостатот“ на мозокот поради што жештина може да чувствувате и во одлично климатизирани простории и постојано да се потите.
