Болестите на срцето и крвните садови се најчеста причина за смртност во светот од кои годишно умираат речиси 18 милиони луѓе. Како последица на инфаркт умираат голем број луѓе, и тоа само заради непрепознавање на првите симптоми на оваа болест, но и заради неупатеност во важноста на брзото и адекватно пружање прва помош. Доколку помош се укаже правовремено и болниот навреме стигне во болница, оваа болест успешно се санира и лекува.
Иако главно најчесто ги погодува мажите од последица од срцев удар годишно умираат голем број жени ширум светот. Најновата британска студија покажала дека мошне мал процент од припадничките на понежниот пол всушност знаат да ги препознаат симптомите кои непогрешливо укажуваат дека животот им е во опасност.
Еден од најчестите сигнали за инфаркт кај жените се засилено потење и лесна вртоглавица, а истражување открило дека милиони жени всушност не се запознаени со овој податок.
„Голем број жени не умеат да препознаат кога нивното срце е „на удар“, односно кога доживуваат инфаркт“, вели доктор Сара Бруер и додава: „Потењето и лесната вртоглавица, кои се сигурен знак за аларм, се поврзуваат со исцрпеност и други полесни тегоби. Тоа не само што е погрешно, туку и може да биде одлучувачко дали личноста ќе живее или не.“
Со оглед на тоа дека мажите се поподложни на срцеви удари, само една од 10 жени смета дека треба да се грижи за оваа болест со фатални последици. Иако долго се верувало дека симптомите на инфаркт се разликуваат кај мажите и жените, најновото истражување покажало дека всушност се чувствуваат мошне слични тегоби како стегање во градите, прекумерно потење, чувство на мачнина….
