Треба ли да ја фрлиме храната на која слетала мува или, пак, да продолжиме со јадење како ништо да не се случило?
Што (ќе) се случува откако мувата ќе слета на неа, зависи од низа на фактори. Секако, најпрво ќе се запрашаме каде се бил инсектот пред да дојде на нашата трпеза. Можеби посетил некои места како што се фарми, животински измет, ѓубришта, депонии и слично. Второ, мувата е во можност да пренесе бактерии со нозете, крилјата или устата.
Единствено движењето на мувите одредува што ќе се случи во моментот кога ќе слета на храната. Зависи за каков вид на бактерии се работи, колкава е количината на бактерии и дали е бактеријата во телото на мувата или на нејзиниот надворешен дел.
Најлошото што може да се случи е мувата навистина да содржи штетни бактерии и тие да се развијат на храната. Тоа е можно ако мувата била претходно на животински измет, а потоа слетала на храната и таму поминала извесен дел од времето. „Во такви случаи, може да се разболите од салмонела или да се заразите со бактеријата Ешерихија коли“, објаснил д-р Вилијам Керн од Универзитетот во Калифорнија.
Ако сте ја избркале мувата брзо, најверојатно ништо нема да се случи
„Секој пат кога ќе допрете рачка на врата, пари или кредитна картичка, а потоа ги грицкате ноктите или го фаќате окото, може да се заразите со бактерии, но нашиот имунолошки систем се грижи за тоа“, вели Најдич, додавајќи дека мувите претставуваат мала закана во земјите, кои имаат добар санитарен систем.
