![prehlada](https://panacea.mk/wp-content/uploads/2019/08/prehlada-696x364.jpg)
Колку пати ви се случило да се разболите во лето, па дури и на летување? Сигурно сте помислиле дека овие настинки се потешки од оние кои се случуваат во зима – и не сте згрешиле. Се покажало дека летните настинки се значително поразлични од зимските, па дури доаѓаат и со цел комплет посебни симптоми. Во комбинација со топлината и делувањето на клима уредите летниот грип умее да биде голема непријатност.
Течењето на носот, кивањето и кашлицата се редовни симптоми на летниот грип, како и температурата и главоболката. Кај некои е можен и осип по кожата и афти во устата.
Не е невозможно летниот грип да биде проследен и со ретка столица и повраќање, а децата имаат поизразени и потешки симптоми од возрасните. Во нормални случаи летната настинка можете да ја прележите во период од 7 до 10 дена, но ако температурата продолжи можно е да ве фатил грип.
Која е разликата меѓу летна и зимска настинка?
Експертите веруваат дека комбинацијата на симптомите на настинка и сезонска алергија прават летните настинки потешко да се поднесуваат од зимските. Постои и оној психолошки фактор – ќе признаете дека е необично кога ќе се разболиме во лето на топло, кога би требало повеќе време да поминуваме на отворено. Студија од 2017 година тврди дека летните настинки се поизолирани од зимските и затоа потешко ги поднесуваме.