Селин Дион (54), канадска пејачка, повторно ги одложи концертите во рамките на турнејата “Храброст“, а на своите обожаватели им откри дека причината е болеста. Имено, пејачката боледува од ретка невролошка болест, синдром на вкочанета личност, од која во светот погаѓа едно од милион лица.
“Веќе долго време се справувам со здравствени проблеми и ми беше многу тешко да се соочам со тие предизвици и да зборувам за сè низ што поминував… Ме боли што морам да кажам дека не сум подготвена повторно да ја започнам мојата европска турнеја во февруари“, вели Дион во својата изјава на Инстаграм.
ШТО Е СИНДРОМ НА ВКОЧАНЕТО ЛИЦЕ?
Станува збор за исклучително ретко нарушување поради кое мускулите на трупот и екстремитетите се грчат и вкочануваат. За жал, болеста е неизлечива, а вистинската причина сè уште не е позната. Вкочанетоста може да биде толку сериозна што влијае на мобилноста, а на заболеното лице може да му треба дубак или инвалидска количка. Состојбата, исто така, може да доведе до грчеви кои создаваат толку силни сили што предизвикуваат кршење на коската.
Заболените често имаат зголемена чувствителност на бучава, ненадејни движења и емоционален стрес, што значи дека нешто едноставно како тропање на врата може да ги “заклучи“ пациентите во нивното тело.
Постојат три вида на синдроми:
- Класичен синдром: Вкочанетоста и грчевите се јавуваат околу грбот и стомакот, а понекогаш и на бутовите и вратот. Со текот на времето, може да предизвика искривување на грбот.
- Синдром на вкочанети екстремитети: Грчевите особено влијаат на нозете и стапалата, повремено предизвикувајќи тие да се фиксираат на своето место. Рацете исто така може да бидат засегнати.
- Синдром на вкочането лице кое се грчи: Најретка, најагресивна форма, која вклучува грчеви во сите делови од телото, вклучително и главата и очите.
Експертите не знаат точно што се крие зад оваа болест. Но, тие веруваат дека тоа може да биде предизвикано од автоимуна реакција, кога телото ги напаѓа сопствените нервни клетки кои го контролираат движењето на мускулите.
Околу 40 проценти од заболените имаат и дијабетес тип 1, што е уште една автоимуна болест. Дијабетесот тип 1 е особено поврзан со класичниот синдром. Исто така, други автоимуни состојби како што се витилиго и пернициозна анемија се исто така поврзани со овој синдром.
Понатаму, состојбата е почеста кај лицата со рак на дојка, белите дробови, бубрезите, тироидната жлезда или дебелото црево, како и лимфом, но истражувачите сè уште не знаат зошто.
Кај синдромот на вкочанета личност, имуниот систем напаѓа протеин кој помага во создавањето гама-аминобутерна киселина (ГАБА), која ги регулира моторните неврони, нерви кои го контролираат движењето. Ниските нивоа на гама-аминобутерна киселина предизвикуваат континуирано палење на невроните кога не треба, што резултира со грчеви и вкочанетост.
КОИ СЕ СИМПТОМИТЕ?
Главните симптоми се грчеви и вкочанетост на трупот и екстремитетите. Грчеви може да се активираат од гласни звуци, а состојбата предизвикува и зголемена чувствителност на звук.
Допирот и емоционалниот стрес, исто така, може да се почувствуваат поинтензивно како резултат на состојбата. Грчевите можат да бидат толку силни што предизвикуваат паѓање на луѓето или отежнато одење и други попречености.
Стресот и анксиозноста исто така вообичаено се поголеми кај лицата со оваа состојба, особено поради непредвидливоста на грчевите.
Недостигот на ГАБА, кој ја регулира анксиозноста, во нивниот систем влијае и на менталното здравје.
Со оглед на тоа дека станува збор за ретка болест, често погрешно се заменува со Паркинсонова болест или мултипла склероза (МС). Поради ова, дијагностицирањето на синдромот може да потрае долго време. За жал, за болеста нема лек, но симптомите може да се контролираат кај повеќето пациенти.
