Оттргнување внимание
Кога ќе забележите дека детето пружа отпор поради нешто или сака да направи сцена на јавно место, оттргнете му го вниманието кон нешто друго. Доколку се работи за бебе ќе биде доволно да му покажете нешто интересно, да отворите книга или сликовница и да почнете да читате на глас. Кај постарите деца оттргнувањето на внимание не успева баш секогаш, но некоја интересна играчка или спортски реквизит веројатно би ја завршил работата. Уште една техника за успешно оттргнување на вниманието е да направите нешто што ќе го изненади вашето дете. На пример, може да почнете да танцувате, да зборувате со смешен глас или да правите гримаси. Ова, секако, ќе го промени вашиот сегашен однос и ќе го ублажи гневот што го чувствува детето.
Подготовка
Објаснувањето што може наскоро да се случи ќе му помогне на детето да се чувствува сигурно. На пример, може сте одлучиле да излезете навечер со сопругот и да ангажирате некого да го чува вашето мало. Објаснете му каде одите, во чие друштво ќе бидете, што ќе правите и кој ќе го чува за тоа време. Кажете му дека вие ќе го заспиете, а дека потоа ќе дојде да го чува неговата тетка или баба. Исто така, кажете му дека ќе се вратите додека спие и дека кога ќе се разбуди, повторно се ќе биде по старо. Овој пристап ќе му пружи на детето чувство на сигурност во поглед на она што се случува, и тоа ќе му го олесни прифаќањето на ситуацијата. Поради фактот што знае што се случува, малото дете ќе се чувствува важно и рамноправно.
Делегирање на обврските
Ако натегнувањето и конфликтот обично се случуваат во исти ситуации, како што е да речеме, одењето во супермаркет, тогаш задолжете го детето со „специјална задача“. Ова ќе биде забавно и позитивно искуство за двајцата. Замолете го во супермаркетот од рафтовите да зема помали и некршливи производи или да одбира овошје и да го мери, со што ќе го вклучите во процесот на пазарење.
Играње позитивни улоги
Направете го ова кога детето е задоволно и смирено и вклучете ги неговите играчки во оваа игра. Кажете му дека мечето се „натажило“ и барајте од него да смисли начин како да го утеши. Исто така, одглумите ситуација од реалниот живот која на вашето дете му била проблематична, но така што ќе предложите конструктивно решение.
