Куркумата е поефикасна во отстранувањето на болките од популарните апчиња против болки, се тврди во новото истражување кое го спровела италијанска фармацевтска компанија. Д-р Франческо ди Пиеро, автор на студијата, рекол дека после три недели користење куркума, утврдено е дека рагбистите не чувствувале болка, односно дека им било полесно како кога пиеле таблети. За разлика од таблетите, консумирањето на куркума нема негативни ефекти.
Студијата укажува на тоа дека лекот произведен на база на куркума може да претставува сигурно средство за отстранување на болките во коските и мускулите, кои се резултат на напорни телесни активнсоти, вели д-р Пиеро. Истражувачите веруваат дека куркумата помага во лекување на воспалителни состојби, па и при артритис, рак и срцеви заболувања.
Во истражувањето учествувале 50 играчи на рагби од Италија. Половина ги лекувале со таблети против болки, а половина со куркума. Утврдено е дека двете групи имале намалени болки, но дека групата која користела стандардни лекови имале повеќе дигестивни нарушувања.
Истражувањето е објавено во европското издание на списанието Medical and Pharmacological Sciences.
