Често се води расправа за тоа кога е најдобро да се забремени и да се има деца. Многу жени ја одложуваат бременоста од разни причини, како безгрижен живот, кариера или патувања со партнерот. Сите овие причини им противречат на теориите кои тврдат дека најдобро е да се има дете во дваесеттите години. Сепак, тие теории се менуваат и еволуираат.
Кој период е идеален?
Спротивно на востановеното мислење, истражувањето кое го спровел доктор Џон Мировски, социолог од универзитетот во Тексас, открило дека совршен период за бременост е околу 34. година од животот на жената.
Ова се фактите:
Стручњакот за женско здравје изјавил дека идеално е жената да забремени околу 34-тата или 35-тата година затоа што во дваесеттите години жените можат да развијат разни болести. Во 34-тата година телото на жената е во најдобра состојба и со најдобро здравје за бременост.
Мировски, исто така, истакнал дека жените би требало да бидат внимателни со бременостите во доцните триесетти години. Женското тело како старее така развива и ризик од разни болести и компликации на репродуктивниот систем.
Со оваа теорија на доктор Мировски се согласуваат и многу психолози – жените околу 34-тата година од животот се наоѓаат главно во стабилни врски со партнерот, имаат доволно енергија и виталност, оствариле одредено ниво во професионалната кариера и се доволно зрели за воспитување друга личност. Сите овие искуства укажуваат дека средината на триесеттите години е идеална за бременост.
