Лицата со бројни и длабоки брчки на челото може да имаат 10 пати поголем ризик да заболат од кардиоваскуларни болести, тврди Јоланда Ескирол, професор и главен автор на истражувањето за поврзаноста на брчките на челото и кардиоваскуларните болести.
Иако нема јасна поврзаност, една од теориите за поврзаноста на брчките на челото и кардиоваскуларните болесте причината дека крвните садови во челото се мали и чувствителни на трупањето на наслаги што доведува до нивно затврднување, па брчките се појавуваат како знак на предвремено страеење.
Студијата анализирала група од 3.200 возрасни лица во период од 20 години со тоа што, сите испитаници на почетокот на истражувањето биле здрави и на возраст од 32, 42, 52 и 62 години. Зависно од бројот и длабочината на брчките на челото им биле доделени ознаки. Ознака нула значела дека лицето на почетокот на студијата има мазна кожа без брчки, додека ознаката три значела дека лицето има бројни и длабоки брчки на челото.
Резултатите од истражувањето покажеле дека лицата со ознака еден имале благо зголемен ризик за заболување од кардиовакуларни болести со смртен исход во однос на лицата со ознака нула. Оние со ознака два и три имале дури 10 пати поголем ризик.
“Колку повеќе индивидуата има брчки на челото, има и поголем ризик од смртност од болести на крвните садови“, изјавила Ескирол.
Со оглед дека ова е прв пат да се воспостави врска меѓу кардиоваскуалрниот ризик и брчките на челото, резултатите треба да бидат повтрдени со понатамошни истражувања.
