Доколку денот не можете да го почнете без својата утринска доза кофеин и во текот на денот морате по неколку пати да пиете кафе за да останете концентрирани на она што го работите, постои можност дека не спиете добро.

Од една страна, кофеинот ја подобрува будноста и концентрацијата со тоа што го поттикнува лачењето на кортизол, хормонот на стресот, но, исто така, го влошува квалитетот на сонот. Една студија покажала дека консумирањето кофеин три до шест часа пред одење в кревет го ремети и скратува сонот за цел час. Значи, кафе повеќе пиеме кога не спиеме доволно, а доколку го пиеме доцна попладне или во вечерните часови тогаш можно е токму тоа да е причината заради која сме ненаспани.

Уште еден знак за пореметен сон

 Дали знаете зошто се будите со главоболка?!

Доколку наутро често се будите со главоболка можно е, исто така, да имате пореметување на сонот. Главоболката може да се јави како резултат на премалку или премногу сон.

Посветете внимание на вашиот режим на спиење – обидете се да станувате и легнувате во исто време, како и во текот на ноќта да отспиете барем 7-8 часа, колку што се препорачува. Главоболката неретко ги измачува и луѓето кои имаат обичај да ’рчат додека спијат. А ’рчењето, од друга страна, може да биде придружен симптом на еден сериозен проблем – апнеја, т.е. прекин на дишењето за време на спиењето. Освен главоболка може да се јави и поспаност, слаба концентрација, замор.