Речиси половина од возрасните во еден момент од животот биле посрамени заради тежината, косата, па дури и големината на стапалата, се наведува во најновата анкета. Во неа учествувале 2000 возрасни лица, а 56 % изјавиле дека во последната година се сретнале со непријатни коментари врзани за изгледот.
Најчеста причиnа за посраменост била тежината. Шест од десет лица кои биле прекумерно тешки рекле дека биле критикувани заради килограмите. А предмет на критика биле и косата, изгледот на кожата и висината, е еден од десетмина учесници во истражувањето рекол дека се случило да биде исмеван и заради големината на стапалото и изгледот на веѓите.
Една претходна студија, исто така, открила дека една од шест личности доживеала негативен коментар од својот партнер, а речиси секоја четврта од член на семејството. Меѓу најчестите критичари се нашле, што е уште поинтересно, блиски пријатели.
Исто така, две од пет лица рекле дека се чувствуваат несигурно, непријатно и понижено после ваквите искуства. Меѓутоа, повеќе од една осмина од испитаниците изјавиле дека подемот на различни плус сајз модели помогнал да се чувствуваат подобро.
