Серотонинот е невротрансмитер кој го регулира расположението и влијае на тоа да се чувствуваме добро и задоволно. Овој невротрансмитер се создава во мозокот и тенкото црево и освен на расположението влијае и на варењето, контролата на болката, регулирање на апетитот, квалитетот на сон, дишењето и срцевиот ритам. Во случај на дисбаланс на нивоата на серотонин може да дојде до непријатни симптоми како што се пореметувања на сонот, загриженост, лошо расположение, раздразливост, зголемен или намален апетит.
За да ги спречиме или ублажиме овие непријатни симптоми, се препорачува консумирање на намирници богати со триптофан, аминокиселина која во организмот се претвора во серотонин. Тоа се например, интегрален ориз, киноа, мешунки, домати, јајца, млечни производи, риба, мисиркино месо, банани, бадеми, ореви, црно чоколадо…
Редовното вежбање и бавење со спорт, исто така, го поттикнува создавањето серотонин. Можете да почнете со брзо одење, трчање, возење велосипед или пливање или пак танц, зумба, скокање јаже и сл.
