Вкупното петгодишно преживување на пациентите со рак на желудник изнесува околу 30%. Ваквиот низок процент се должи на релативно доцното откривање во многу случаи, откако ракот веќе се проширил и на други органи. Кај пациенти кај кои туморот не се проширил надвор од желудникот, петгодишното преживување е околу 65%. Ако се зафатени околните ткива и локалните лимфни јазли, преживувањето е 30%, а ако се проширило на други органи и делови од телото пред поставување на дијагнозата, петгодишното преживување е 5%. Треба да се нагласи дека статистичките податоци треба да се толкуваат со претпазливост, бидејќи индивидуалниот тек на болеста може значително да се разликува.
Ризикот од појава на рак на желудник се зголемува со возраста; тоа се претежно лица постари од 55 години. Мажите заболуваат двапати почесто од жените.
Долготрајната инфекција со бактеријата H. pylori, која живее на слузницата на желудникот, е една од примарните причини за рак на желудникот. Ризикот од рак е поголем кај луѓето кои имаат или имале болен роднина во семејството, заедно со некои ретки генетски нарушувања кои го зголемуваат ризикот од рак на желудникот. Исхраната со многу сол, што вклучува сушена, пушена и солена храна, претходно хируршко лекување (ресекција на желудник), пушење и прекумерно консумирање алкохол, исто така, го зголемуваат ризикот од рак на желудникот.
Симптомите не се секогаш јасни, но некои се појавуваат многу рано и не треба да се занемаруваат.
ГУБЕЊЕ НА КИЛОГРАМИ
Необјаснето губење на тежината е често еден од првите симптоми дека нешто не е во ред со вашето здравје и никогаш не треба да се игнорира. “За многу луѓе заболени од рак, токму ова е прва индикација за болеста, кога килограмите се губат без причина, важно е да се оди на лекар“; вели хематологот д-р Мунвер Бангу.
ОТЕЧЕН СТОМАК
“Докторот треба да може да напипа маса во стомакот за време на прегледот. Често симптомот ќе биде чудно чувство во стомакот, а болката може да се влоши како што се развива туморот. Некои намирници може да биат причина за промените, а тоа е диета која вклучува преработена и пржена храна, сол и ферментиран зеленчук“, се наведува на страниците на Американското здружение за рак. Исто така, докажано е дека зеленчукот и овошјето можат да го намалат ризикот од развој на рак на желудникот.
БОЛКА ВО СТОМАКОТ
Постојаната и необјаснета абдоминална болка може да биде симптом на рак, особено ако е локализиран во горниот дел на стомакот. Според експертите, симптомите може да се појават доцна, но кога тоа ќе се случи, може да биде проблем со варење или болка во горниот дел на стомакот. За жал, симптомот може да не се појави до напредната фаза на ракот. Подоцна може да се појави повраќање и темна столица. Ракот на желудникот кој се шири на други делови од телото се нарекува метастаза, а симптомите ќе се појават во зависност од тоа каде се проширил. Ракот кој се проширил на црниот дроб може да предизвика пожолтување на кожата, ако се проширил во абдоминалната празнина, може да предизвика отекување на стомакот.
ГАСТРИТИС
Гастритисот е чест симптом на рак на желудникот, велат експертите, а д-р Џојс вели дека ќе дојде до насобирање на течности во стомакот доколку се работи за голема маса. Одредени фактори можат да влијаат на влошување на гастритисот, што исто така може да ги зголеми шансите за развој на рак. Проблемот со обезноста се јавува насекаде низ светот, а токму таа може да предизвика различни промени кои можат да доведат до развој на рак.
МАЧНИНА И ПОВРАЌАЊЕ
Тие можат да бидат рани знаци на рак на желудникот, а може да се појави и крв. Бидејќи симптомите се слични на другите состојби, ракот може да напредува доколку не се забележат на време, па затоа е важно да се обратите кај лекар доколку ги забележите и овие промени.
“Ракот на желудникот се јавува почесто кај луѓе на кои им бил отстранет дел поради некоја друга дијагноза, а всушност може да биде предизвикан од помало производство на киселина, што ќе им овозможи на бактериите да се размножуваат“.
